ZooM

نتمنى منكم التسجيل في المنتدى

كل شئ تريده موجود


    الموضوع الرسمي للعبة : Uncharted 3: Drake's Deception

    شاطر
    avatar
    Admin
    Admin

    عدد المساهمات : 17
    تاريخ التسجيل : 13/11/2011

    الموضوع الرسمي للعبة : Uncharted 3: Drake's Deception

    مُساهمة  Admin في الثلاثاء نوفمبر 15, 2011 11:53 pm




    سـلآم عليكم ورحمة الله وبـركـآته

    شلونكم / عساكم بخخخير

    اليوم بنزل موضوع عن لعبة Uncharted 3: Drake's Deception

    اللعبة غنيه عن التعريف / مبي اطول عليكم ..



    Uncharted 3: Drake's Deception








    المطور : Naughty Dog .
    الناشر : Sony Computer Entertainment .
    الاجهزه : Only on Playstation .
    تاريخ الاصدار : November 1 , 2011 .
    النوع : Action-Adventure , Third Person Shooter .
    الاطوار : Single Player , Online Multiplayer .
    التصنيف : العمري : T For Teens , +16 .









    UNCHARTED ! , مين ما سمع بهالاسم ؟ , هالاسم اللي عمل ضجه في صناعة الالعاب , اللعبه اللي تاخذنا معها في مغامرات خياليه مع بطلنا الجميل Nathan Drake في محاولة البحث عن الكنوز المدفونه حول العالم , اللعبه اللي تتميز بـ بقوة رسومها , وسلاسة اسلوب اللعب , والمتعه اللامنتهيه , اللعبه اللي حصلت على العديد من الجوائز وابهرت العالم بما تملكه من امكانيه , وحديثنا اليوم عن الجزء الثالث لـ اللعبه , اللي تستمر فيه قصة Nathan , يا ترا وش بيسوي هالمره وفي اي مشاكل راح يوقع نفسه فيها ؟ .









    كما تعودنا في كل جزء تقدم لنا Uncharted مغامره جديده لـ Nathan في اكثر الاماكن غرابه وخطوره , وهالمره Nathan مع معلمه وشريكه وخويه Victor Sullivan راح يجوبون العالم في مغامره شيقه بحثا عن المدينة الاسطوريه " ارم ذات العماد " , وراح تشهد اللعبه بعد عودة Chloe Frazer و Elena Fisher , القصه راح تتبع الاحداث في مذكرات لورانس العرب , وراح تتعمق اكثر في علاقة Nathan مع Sully " يعني بنشوف حضور وافي لـ Sully بهالجزء " .









    كما هو الحال مع الالعاب السابقه , الاسلوب ما في اختلاف من ناحية طريقة التحكم ووظائف الازرار , لكن من اللي لاحظته من العروض ان Naughty Dog عملت تعديلات عديده , وهي كالتالي :

    - نظام الـ Covering في اللعبه تحسن جدا , وخصوصا اذا طلقت نار وانت متخبي صار اكثر واقعيه .

    - اذا Nathan كان يسبح , يقدر يستند على شئ ويطلق نار .

    - Nathan اثناء الركض يشوف يمين ويسار ويدور عن الاعداء وركضه صار يلائم اكثر الاوضاع في اللعبه , لان في الاجزاء السابقه يركض وهو مرتاح .

    - نظام الـ Melee Attacks تم تطويره بشكل كبير جدا , Nathan صارت عنده حركات كثيره ويستفيد من البيئه اللي حوله , ومن الحركات الجديده اللي شفتها " حركه احب اسميها Death From Above اذا كان Nathan في الدور الاول والعدو في الدور الارضي يجي Nathan ويطمر عليه , وشئ اخر ممكن انه ياخذ كرسي ويضرب فيه العدو , او انه يصفق راس العدو بالجدار , او يسحب منه السلاح " .

    اما طور تعدد اللاعبين فشهد تطويرات جباره , فعكس اللعبه السابقه , في هالجزء راح تقدر :

    - تعدل في " الاسلحه , الشخصيه , الشعارات " .

    - اضافة اطوار جديده مثل " Free For All , Hardcore " .

    - في طور الـ Team Deathmatch على عكس الجزء السابق في بداية الـ Game ونهايته راح يكون في مشهد سنمائي , البدايه دائما وحده , لكن النهاية تعتمد على الفريق الفائز !

    - خاصيه جديده اسمها " Power Plays " , هالخاصيه تعطى لـ الفريق المهزوم كـ حالة خاصه لهم , وهالخاصيه تعتمد على حسب الطور , لو اخذنا طور tuCapre The Treasures , هالخاصيه راح تسمح لـ الفريق المهزوم انه يشوف اماكن الكنوز في الخريطه لـ فتره محدد .

    - نظام جديد اسمه Buddy System " نظام الخوي " هالنظام يسمح ان اثنين من نفس الفريق انهم يصيروا شركاء , مثلا اذا انقتل في اللعبه راح يرجع ورا خويه .

    - وجود خاصية جديده اسمها " Medal Kickbacks " , هالخاصية نقدر نشبها بالـ Kill Streak , لكن من ناحية Uncharted هالخاصية تعطيك قدرات اذا جمعت عدد معين من الميداليات , يعني مثلا : 3 ميداليات راح تاخذ قدره معينه , والقدرات هي كالتالي :


    Speedy G : هالقدرة تزيد السرعه .

    RPG!!! : واضح من الاسم , بتاخذ RPG .

    Smoke Bomb : فجاه بتختفي وسط دخان " ما ادري هل لازم ترمي القنبله او هو من نفسه يجي "

    Militia Man : تلقائيا راح يعطيك نص مخزن ذخيره , وراح يزيد سعة الـ MAG " المشط " .

    Cursed Idol : هالقدره بتعطيك تمثال تكون فيه لعنه , تحذفها على الاعداء ويطلع دخان وتجيه اللعنه " عاد وشهي اللعنه الله واعلم " .

    Quick Boom : هالقدره بتفيد الكثير , لما ترمي القنبله راح تنفجر اول ما توصل لـ العدو .

    Cash’em In : هالقدره راح تدبل الفلوس " Money , Money Money "

    Sniper : راح يعطونك سنايبر

    Explosives : هالقدره بتعطيك بدال القنبله ثنتين .

    Disruption : هالخاصيه يا طويل العمر مو اذا قربت من العدو ومحدد عليك السلاح يطلع اسمك ولونه احمر وعلى راسك سهم , هالخاصيه تمنع الاسم والسهم يطلعون .

    Shottie : تلقائيا بتحصل على بندقيه " شوزن "

    Carpet Bomb : تحذف ثلاث قنابل مره وحده .

    Gotcha : تقدر تشوف اماكن الاعداء وين " مثل الـ Spy Plane " .

    Cluster Bomb : لما ترمي قنبله راح تنقسم الى ثلاثة قنابل .

    Hammer Time : راح تاخذ سلاح M-32 Hammer " اسمه الاخر Grenade Launcher "

    Juggernaut : هالخاصيه راح تخليك ابطا , بس مقوامتك لـ الرصاص والقنابل بتزيد .

    Mega Bomb : واضح من الاسم , انفجار القنبله راح يكون هائل ! .

    Creepy Crawler : اللاعب بيتحول الى سرب من العناكب ويهاجم الاعداء .

    مع هالاضافات كلها في اسلوب اللعب اعتقد انها راح تكون تجربه تحكى كـ الاساطير لـ الاجيال القادمه .









    اذا كانت Uncharted تتميز بشئ يخيلها لعبه من عالم اخر " فهو الـ Graphics الخارق لـ اللعبه " الرسوم تعجز العقول عن وصفها , واللسان يمنع نفسه من نطق اي كلمة خشية ان لا يوفيها حقها , ملامح الاوجه , المباني المتحطمه , الاعشاب الملتصقه بالاشجار الكبيره , من اصغر الاشياء الى اكبرها Naughty Dog اهتمت بـ كل التفاصيل , ولكن هالجزء وضعت قدرات الـ PS3 لـ تحدي صعب , ودفعت طاقاته الى اقصى حد وقدمت لنا رسوم خرافيه , وبيئه صحراويه محاكيه لـ الواقع , لتكون تجربه مشابهه لـ العروض التي نراها في الافلام السنمائيه .

    ولكن لما نتكلم عن الـ Soundtrack والموسيقى في اللعبه , فبلا مجامله الموسيقى جدا مدهشه , تخليك تعيش اجواء ثانيه , ولحظات من العروض اتمنى اني انا اللي العب عشان اوقف واسمع الموسيقى لانها ابداع .

    ومن ناحية اصوات الاسلحه والشخصيات ما لاحظت فيها اختلاف كبير , لكنها من الاساس اسطوريه , خصوصا Chloe و Elena .








































    على ما يبدو ان Uncharted ومره اخرى راح تاخذنا معها في جوله الى عالم من المستحيل نسيانه , ولكن هالمره الى مكان اخطر من غابات امريكا الجنوبيه , واكثر قسوة من برودة جبال التيبت , الى صحراء الربع الخالي , فهل راح يفلح حظ Nathan في انقاذه من المصاعب هالمره .

    هذا .. بأذن الله موضوع رسمي بتجدون فيه كل شي بأذن الله من حلول للعبة وتروفيز وعروض للعبة

    واللي يبي يزود او يكتب او حتى يمدح عادي

    واتمنى من المشرفين التثبيت ..

    آخوكم :عبدالرحمن


      الوقت/التاريخ الآن هو الجمعة ديسمبر 15, 2017 4:43 am